कृष्णाला बर्‍याच गोष्टी मिळाल्या नाहीत…
त्याच्या जन्मानंतर तो लगेच आई वडिलांपासून वेगळा झाला, नंतर नंद-यशोदा भेटले, पण आयुष्यातून ते ही गेले.
राधा गेली.
गोकुळ गेलं.
मथुरा गेली.
त्याचं आयुष्यात काही ना काही निसटतचं गेलं.
कृष्णाने आयुष्यभर त्याग केला, तो पण अगदी आनंदाने.
ज्याला कृष्ण समजला त्याच्या आयुष्याचा सोहळा झाला. आयुष्यात काही सोडावं लागलं तरीही खुश कसं रहायचं? हे कृष्ण शिकवतो.
कुरुक्षेत्रावरच्या कृष्णनीतीपेक्षा या गोष्टी जास्त व्याकुळ करतात. आयुष्यात बाकी काही जमलं नाही तरी, कृष्ण बनून हातातून निसटलेल्या गोष्टींचा, क्षणांचा, स्वप्नांचा, आठवणींचा सोहळा करता आला पाहीजे….
पहिली शिवी दिल्यानंतर मुंडके छाटण्याची शक्ती असून देखील नव्व्याण्णव आणखीन शिव्या ऐकण्याची क्षमता ज्याच्यात आहे तो कृष्ण आहे…
सुदर्शन चक्रासारखे शस्त्र जवळ असून देखील हातात नेहमी बासरी आहे तो कृष्ण आहे, द्वारकेसारखे वैभव असून देखील सुदामासारखा प्रसाद मित्र आहे तर तो कृष्ण आहे..
मृत्यूच्या फण्यावर उभारलेला असून देखील जो नृत्य करतो तो कृष्ण आहे, सर्वसामर्थ्यवान असून देखील जो सारथी बनला तो कृष्ण आहे.
जीवनात अनेक चांगले वाईट प्रसंगात संयम ठेवून सर्वांना समजून घ्या , सर्वांचा सन्मान करा . हिच खरी जन्माष्टमी !
“श्रीकृष्ण जन्माष्टमीच्या हार्दिक शुभेच्छा”
लेखक – Unknown
** संग्रहित **